#抗疫日常 波波池加充氣滑梯！ #中伏分享
咁大工程為乜？
為嘅就係阿囡喊住講一句： 媽咪我想玩一次滑梯呀🥺
呢個年代嘅小朋友真係慘慘... 想玩一次滑梯都咁難🥺
疫情咁耐，小朋友都困左大半年（都唔知仲要困幾耐），咁耐以嚟去公園嘅次數一隻手都數晒！
早前，封公園前一日，雷囡望住樓下公園話：
👧🏻媽咪，公園有開。冇圍住，可唔可以去玩一陣呀？
我諗左好耐好耐，好爭扎，封之前最後衝刺玩一次好？ 唔通明知危險仲搏？ 最後媽媽回覆：
👩🏻有病菌，唔玩得呀，遲啲冇晒病菌先啦，乖！
👧🏻（🥺眼泛淚光）媽咪，我想玩一次滑梯呀，淨係玩一次啦😢😢⋯⋯😭
媽咪呢刻心都實埋，跟埋佢眼濕濕...
想當年家姐呢個年紀，日日最少玩半個鐘公園，而家阿妹，大半年加埋都冇半個鐘...好慘呀🥺 但命仔緊要。就算話趁冇人落公園跑下都好。但戴住口罩😷行都辛苦啦，仲點跑？
我唔係住村屋，更唔係住豪宅。冇地方買個大滑梯俾佢玩。唯有買個充氣頂住先啦... 成年冇玩過波波池嘅雷囡s, 終於有得玩開心到癲左🤣 見佢地咁開心，真係辛苦啲都值得嘅！
繼續邊玩邊學， 玩波波池好處好多！
#放電神器！ #給媽媽metime 一陣！
仲可以學顏色、學數數、訓練專注力...勁到呢！
（共九百幾種氹爸爸俾我買嘅理由🤣🤣）
以前成日覺得，波波池玩就開心，洗就攞命！
今次我醒左，買左個洗波波神器😆
浸滴露再沖水，千幾個波加埋都係十分鐘！
一小時晾乾, 日日洗都唔怕。🤣
呢個充氣水池，玩波波又得，玩水亦得，但室內唔敢玩水，有住村屋嘅朋友分享。玩一次水約$200水費，嘩！好甘！ 都係玩波波抵好多。
呢個充氣滑梯，未買嘅朋友真係唔好買😆😆
非常唔穩陣。好易跌埋一邊。而且好易穿，勁漏氣。
今日第一日已經補左兩次🤦🏼♀️ 唔知捱唔捱到一星期😅
開學無了期，繼續 #stayhome #homeschool ...
香港人加油💪🏻
高清片段：https://youtu.be/s4IlrpGV-iQ
（記得訂閱呀😘）
如果大家有興趣了解更多，可以加入我嘅whatsapp group留言，或者同我傾下計，分享下☺️
https://chat.whatsapp.com/JXQfkYsG4QNJwtKfYqidQM
家姐仲無聊到分波波....#強迫症 定必要 #看到最後
#雷囡s玩具開箱
#波波池 #洗波波 #充氣水池 #充氣泳池 #玩具開箱
Search